KÖLLE11.de IS E JEFÖHL! T-SHIRTS ZU DER SCHÖNSTEN STADT!

 

 

Tach Kölle Fans! Schön dat du uns besökst! Hier findest du alle Shirts zur schönsten Stadt Deutschlands! Hier gibt es alles was es gibt, immer den Kölner Dom im Herzen dabei. Darüber hinaus kannst deine Produkte individualisieren, indem du du sie mit einem eigenen Text versiehst. Viel Spaß beim Stöbern! Mach et joot! Ach so und natürlich: Kölle Alaaf!

Bitte wähle ein Thema aus:

 

COLOGNE ELEVEN      ET KÖLSCHE GRUNDGESETZ        SCHWAADLAPPE

INFOS ZU KÖLN

Köln Logo

Hier findest du weitere Infos zu Kölle (in Ripoarisch):

 

Kölle heeß bes 1919 och Cöln, Cölln, janz fröher Colonia, unger de Römer CCAA affjekööz för Colonia Claudia Ara Agrippinensium, un op deutsch sarre_se Köln, op Nederlands un Flämesch Keulen, op Englesch un Franzüüsesch Cologne. Kölle es, op Bewonner un Jebeet betrocke, de veetjrüßte Stadt vun Deutschland un de jrüßte Stadt vun Noodrhing-Wäßßfaale. Em Meddelallder wooh Kölle noh Bewonner de jrüüßte Shtadd_en Europa.

 

Kölle jilt weetschafflish, kulturell, jeijstish un historisch als de Houpstadt vum Rhingland un es en d'r Welt vür allem wääje singer 2000-jöhrigen Jescheesch, wäjen singem kulturell un architektonisch Erbe un singer ingernazjonal bekannte Veranshtalltunge bekannt. 1850 hätt de Enwohnerzahl zom ierschte Mol die Jrenz vun 100 000 överschritte, un Kölle wood zo'ner Jroßshtadt. Em November 2006 wore 991 500 Minnsche me'm eezte Wunnsetz en Kölle jemeldt.

Geißbock

 

Foßball


Dä Fooßballvoreijn vunn Kölle, datt eßß dä 1. FC Kölle. Et däjt evver noch mieh Fooßballvereijnsher jevve, wie de Fortuna Kölle. De Fortuna hätt och ens en d'r ierste Bonnesleja jespellt un zemlich lang en'e zweijte. Jetz dümpele se evver wigger unge, en de fünnevte Liga eröm.

Fiktiewe Fijure uß Kölle


Eng vun de beröömteste, wenn och erfungene Enwohner vun Kölle es de Hausmeister Krause.

Tünnes un Schäl kumme uß Kölle, säät mer.

De Heinzelmännsche sulle en Kölle jewerrek hann.

 

Schringe un Relikwije


Zem aanluure jitt_et dä Dom ze Kölle mem Schring met de Hillije Drëij Künninge.

Un Pantalejon mem hillije Bruno singem Schring, unn och em Theophanu singem.

Basisdate


Bundesland: Noodrhing-Wäßßfaale

Rejierungsbezirk: Köln

Landschaffsverband: Rhingland

Kreijs: Kreijsfreije Stadt

Wi jruuß eßß et? 405,15 km²

Wi vill Lück wunne do? 991 500 (Houpwonnsetz)

1.023.101(Houp- unn Nevvewunnsetz)

(15. Nov. 2006)

Lück pro Kwadraatkillometer: 2434 Minsche/km² (2006)

Wi huh lischt et? 37,5-118,04 m ü. NN

Possleitzahle: 50441–51149 (alt: 5000)

Vüürwahle: 0 221

0 22 03 (Poorz ohne Poll)

0 22 32 (Meschenich)

0 22 33 (Rondorf)

0 22 34 (Lövenich, Weiden, Marsdorf)

0 22 36 (Godorf, Hahnwald, Immendorf, Jewerbejebet Rodenkirchen, Sürth, Weiß)

Wo eßß datt jenau? 50° 56' 33" N, 06° 57' 32" O

Kfz-Kennzejche: K

Jemeindeschlössel: 05 3 15 000

UN/LOCODE: DE CGN

Offiziell Websick: www.stadt-koeln.de

Bevölkerung (31. Dez 2004)

Schulde (Ruude Zahle): 2,51 Mrd. € (2005)

Minsche ohne Ärbejt: 13,3 % (31. Mai 2006)

Mijranteaandeel: 17,2 %

Alldersjroppe: 0-18 Joohre: 15,8 %

18-65 Joohre: 67,5 %

aff 65 Joohre: 16,7 %

*

DER KÖLNER DOM

Der Kölner Dom

Dää Kölner Dom es dat, wat die Touriste en Kölle aanluure wulle. Wäm et doobej nit schlääsch wede kann, dää kann en ejnem von denne Türm (dämm "Südturm") huhklimme.

 

Anjefange han se met däm Jebau em Johr 1248. Fäädich jewoode sin se dann 1880.

 

Di Kerch es 157 Meter huh, un bess 1884 joov et kejne Jebau in dää janze Wält, dää hüjer woor. Ääwer dann hann se dann in Ulm noojelaat un dat Ulmer Münster met 161 m im Johr 1890 fädischjemaat. Nirjens hann die zigg däm kejn hüjere Kerch jemaat.

 

In Spanië hann se dann ooch noch ens noojelaat. Däm Antoni Gaudí (1852-1926) singe Templo Expiatori de la Sagrada Família weed dann, - wenn di dää Jebau 2026 fädischmache -, 170 m huh, meet 13 m mii, dää Dom dann op Platz dreij stelle, wenn mer dää Chicago Temple (173 m) und di Hassan-II.-Moschee (210 m) net miträchne dät, ääver dat sin joh kejn Kerche.

Der Kölner Dom von innen

Em Dom

 

Dää Dom es 144 Meter lang un hät dat hüschste Jewölbe em Meddelscheff meet 43 Meter un 35 Zentimeter. Et jitt bloß drei op der Ääd, die noch jet hüer sin.

 

Dombauhött

 

Alle naslang jitt et am Dom jet zoo repariere. Dä Schwäfel en de Luff hät ussen eröm die Fijure kapottjemaht. Die Lück vun de Dombauhött han allemolde jet zoo dunn.

 

Dombaulotterie

 

Dat Repariere koss vill Jeld. Öm die Nüsele zesamme ze krije, han se de Dombaulotterie erfunge. Kaufe kammer die Lose em Sommer op dr Domplaat, tirektemang vür em Enjangsportaal.

 

Kulturelle Ärv vun d'r Welt

 

Em Dezember 1996 hät de UNESCO dr Dom en die Liss för et Weltkulturerbe enjedrare. Dobei han se ävver verjesse, en Pufferzone öm dr Dom eröm fesszeläje. Em Määz 1998 hät dä Bernd Droste zu Hülshoff (Tirektor vum Welterbezentrum) noch ens op die Pufferzone hinjewese. Trotzdäm han em November 2003 die Bövverschte vun Kölle (Rat der Stadt Köln) janz en dr Nöh vum Dom, op dr Schäl Sick, dä LVR-Tower (LVR = Landschaftsverband Rheinland) jenehmich. Dä 103 Meter huhe Wolkekratzer wor för de UNESCO ze huh. Dat dät de Bleck op die Kathedraal beeinträchtije. Dr Dom kom op de Ruud Liss. Nä wat jov dat ene Knaatsch. Nit nor de Bürjermeister wor us em Hüsje. Och die Bövverschte vun de Kirch woren enjeschnapp. De Dombaumeisterin Barbara Schock-Werner un de Dompropst Norbert Feldhoff reefen: Oh jömmisch - wat för en Nationale Schande.

 

Em Dezember 2005 han die Bövverschte vun Kölle die Plän för noch mieh Wolkekratzer op dr Schäl Sick opjejovve. Nit mieh wie 60 Meter huh darf jetz jebaut weede. Em Juli 2006 hät de UNESCO dr Dom deswäje widder vun de Ruud Liss jestriche.

Dää dikke Pitter

 

Dää Daachstohl es nit wie söns us Holz jemaat, sondern us Ieser. Dodrin han se elf Jlocke opjehange. Wann die all lügge, hürt mer dat noch bes wigg op de Schäl Sick. Dää dikke Pitter es de jrößte Jlock vun de Welt, die frei am Schwinge es. 1923 wood se jejosse, hät ene Durchmesser vun jood 3,2 m un wooch 24 Tunne. Se weed nor jelügg et ovends vör huh Kirchefeste.

**

KÖLSCH - DAS BESTE BIER DER WELT

Kölsch eß en bovvejärrisch Bier, blank jefiltert, kräfftisj jääl un hell. Et hädd_enne wiiese Schoum un enne feijne, e kleij beßßje härrbe Jeschmagk. Mer dringg_et uß Shtange. Bier_Kännno saare, et wöö flößßijjer em Jeschmag_qui Pils un däät nit „esu fättish“ schmäkke, nuur eijn Zoot, dat Jaffel wöör nit jannds esu dorrsh_jejoore un hädd_esu_enne kleijne „fättijje“ Aanklang, dä fun de sööße Aandeijle em Hoppe köhm. Et jidd_e paa Dozend Kölsch Zoote un Brouereije. Wi övverall hät do och noh_m Äng fum zwannzishßte Joohonndot zoo, et Brouereije_Stėrrve zoojeschlaare, unn_et woote ättlijje Kölsch_Brouereije opjejovve oddo zoojemaat un zosammejelaat.

 

Jebroudt weed Kölsch bloos_en Kölle un em Ömlandt. Doför dat „Kölsch“ enne fun de EG un jeds_EU jeschözde Bejreff för_n Heerkunnf_eß, do hann sesh de Kölsch_Brouereije schleeßlijj_en de 1980_er Joohre jeeijnish. Noh feezish Jooh Jeklüngel un Zängkereije, wo se_t nit henkrääje hann.

 

Lügk, di et weßße mößße, saare: „Kölsch kam_mer äßße, un drenke.“ Jemeindt eß dat Kölsch_esu naahavv_eß, dat mer jannß oohne fäßßte Naarung ußkumme kann, wäm_mer jenooch Kölsch zo sesh nimmp.

  1. 1.FC Kölsch (vun Küppers)
  2. ABD Kölsch (us Dormaren)
  3. Agrippa Kölsch
  4. Augustus Kölsch (us Barschem)
  5. Balchem Kölsch (†1974)
  6. Bartmann's Kölsch (us Vreischem)
  7. Baum Ur-Kölsch
  8. Beckmann (us Solinge)
  9. Beckmann Köbes (us Solinge)
  10. Beckmann Kölsch (us Solinge)
  11. Bergisch Löwen-Bräu Kölsch (us Kölle!)
  12. Bischoff (us Brühl)
  13. Braumeister Kölsch
  14. Bröcke Kölsch (us Ohligs)
  15. Bürger Kölsch
  16. Conradin Kölsch
  17. Cramer Kölsch (uß Wollersheim bëij Nideggen)
  18. Creischer Echt Kölsch (†1960)
  19. Dom Kölsch
  20. Echt Kölsch (versch.)
  21. Echt Kölsch aus d. Schreckenskammer Kölsch
  22. Schreckenskammer Kölsch
  23. Felskrone Kölsch (us Barschem)
  24. Früh Echt Kölsch
  25. Früh Kölsch
  26. Früh Kölsch Alkoholfrei
  27. Funke Kölsch (us Hitdorf)
  28. Garde Köslch (us Dormare)
  29. Ganser Kölsch (us Levverkuse)
  30. Ganser(s) Kronen (echt) Kölsch (us Levverkuse)
  31. Gaffel Kölsch
  32. Gatzweiler Echt Kölsch ussem Birrebäumche (†1983)
  33. Geißbock Kölsch (nur ne Name, hät noch nie eine jedrunke)
  34. Gereons (Bräu) (echt / dat kölsche) Kölsch
  35. Germania Kölsch (us Hersel)
  36. Giesler (echt) Kölsch (uß Brühl)
  37. Gilden Kölsch
  38. Gildenbräu Echt Kölsch (†1961)
  39. Original Gilden Kölsch
  40. Ur-Gilden Kölsch Naturtrüb
  41. Glocken Kölsch
  42. Grenadier Kölsch (vun Bindig, Ffm)
  43. Hahnen Bräu Echt Kölsch (†1958)
  44. Hänneschen Köln (Kölsch) (1991)
  45. Hellers Kölsch
  46. Herzog Kölsch (us Hilden)
  47. Hopfen Blut nach Altkölnischer Art (Gh. u. Br. Vogel)
  48. Hüchelner Urstoff Kölsch (unfiltriert) (us Hücheln)
  49. Jakob's Kölsch (us Dormare)
  50. Jürgen's Kölsch (Jubiläums-Kölsch 1990) (us Dormare)
  51. Jürgen's Kölsch (Abschieds-Kölsch 1992) (us Dormare)
  52. K + (Kölsch) (†1954)
  53. Kalder Kölsch (Jubiläums-Kölsch 1990)
  54. Kess Kölsch (us Dormare)
  55. Knappen Kölsch (us Künningshoven) (†1975)
  56. Köbes Kölsch (nur en Marke, dat hät noch nie eine jedrunke)
  57. Kölsch +
  58. Kölsch - Die Kölner Bierspezialität
  59. Kolter Echt Kölsch
  60. Königsbacher Richmodis Kölsch
  61. Kontra Kölsch (us Jroßoßheim)
  62. Kronen Echt Kölsch (us Wiesdörp)
  63. Küppers Köbes Kölsch
  64. Küppers Kölsch
  65. Küppers weil es so bekömmlich ist (hell)
  66. Kur Kölsch (us Bonn)
  67. Kurfürsten Kölsch (us Bonn)
  68. Kurfürsten Maximilian Kölsch (us Bonn)
  69. lecker! Kölsch
  70. Lüpges Kölsch (us Künningshoven)
  71. * Maisel's Aecht Obergäriges Dampfbier (us Bayreuth)
  72. Malz-Mühlen Kölsch
  73. Meister Kölsch (us Kölle un us Wupperthal)
  74. Mühlen Kölsch
  75. Neumarktbräu Echt Kölsch (†1958)
  76. Päffgen Kölsch
  77. Kellerdröv Päffgen Kölsch
  78. Päffgens Kellerdröves
  79. Päffgens Kölsch
  80. Päffgen's Jubiläums-Sud (1936-1996)
  81. Peters Echt Kölsch (us Monem)
  82. Peters Kölsch (us Monem)
  83. Prinzen Kölsch (us Langefähl)
  84. Rats Kölsch (us Vreischem)
  85. Metzmacher Rats Kölsch (us Vreischem)
  86. Reissdorf Echt Kölsch
  87. Reissdorf Kölsch
  88. Reissdorf Kölsch Light
  89. Richmodis-Bräu Echt Kölsch
  90. Richmodis Echt Kölsch
  91. Richmodis Kölsch
  92. Richmodis Kölsch Leicht alkoholfrei
  93. Rheinisch Bürger Kölsch (us Ööhskersche)
  94. Rheinisches Bürger Kölsch (us Ööhskersche, us Dormare) (†1979)
  95. Römer Castell Kölsch (us Langefähl)
  96. Römer Kölsch (us Langefähl, Barschem, Kölle)
  97. Rut Wiess Echt Kölsch (us Hamburg)
  98. Schloß-Turm Kölsch (us Hilden)
  99. Schmitze Kölsch
  100. Schreckenskammer
  101. Schöffen Kölsch (us Öösskersche)
  102. Sester Kölsch
  103. Sester Kölsch Light
  104. Sester Light
  105. Severins Kölsch (us Bedburg)
  106. Sions Kölsch
  107. Sion Kölsch
  108. Sion Kölsch Alkoholfrei
  109. Sion Kölsch Light
  110. Stecken Kölsch (us Vreischem)
  111. Original Stecken Kölsch (us Vreischem)
  112. Stern Kölsch (us Hitdorf)
  113. Stolz Kölsch (us Leuven)
  114. Sudhaus Kölsch (us Levverkuse)
  115. Sünner Echt Kölsch
  116. Sünner Kölsch
  117. Sünner Kölsch leicht
  118. Traugott Simon Kölsch
  119. Treppchen Kölsch (us Rodekirche)
  120. Trölsch Obergärig Hell nach Kölscher Art (us Troisdorf)
  121. Ubier Kölsch
  122. Weiss Bräu
  123. Winnetou Kölsch
  124. Zunft Kölsch (us Bielstein)
  125. Zunft Kölsch light (us Bielstein)

***

*Quelle: Kölle. (2011, Aujuss 7). Wikipedia, . Retrieved 15:03, Aujuss 23, 2011 from http://ksh.wikipedia.org/w/index.php?title=K%C3%B6lle&oldid=1556587.



** Quelle: Kölner Dom. (2011, Aujuss 15). Wikipedia, . Retrieved 15:02, Aujuss 23, 2011 from http://ksh.wikipedia.org/w/index.php?title=K%C3%B6lner_Dom&oldid=1557132. 

 

***Quelle: Kölsch (Bier). (2011, November 1). Wikipedia, . Retrieved 21:54, November 4, 2011 from //ksh.wikipedia.org/w/index.php?title=K%C3%B6lsch_(Bier)&oldid=1564960. 

 

Lizenzhinweis: Dieses Werk steht unter der Lizenz CC-BY-SA, URL zum Text der Lizenz: http://creativecommons.org/licenses/by-sa/3.0/deed.de